خانته حبيبته .. شوفوا وش قال فيها !!

بسم الله الرحمن الرحيم


ثلاث أيام وأنا اخطط لهذا اليوم يابو سعود

تيسر حالي وجاهز أوفي وعدي بوقته

وفجأه...!! جتني تتعذر تقول:
{{ تأخرت الوعود}}

وأنا مستغرب وأسمع كأني وعدها خنته!!

حسبت إنها تمازحني وتتصنع جفا وصدود

ضحكت بوجهها من >>قلب<<

مع إنها بايخه النكته........

وقالت: أرضى بالواقع وقلبي ما هو المعهود....

تغير كل شي صوبك نصيبي ما أظن انتا....!!

وكنت بيوم>>محبوبي<< ولكن ما أظن نعود!!

وصل من قبل ما توصل وأنا ذاك الصبر عفته...

ولكن تكفى صدقني ويشهد ربي المعبود

ترى ما خنتك بغفله ولا كلمته وشفته....

الصراحه أهلي قالولي:-

{{ بـــإنه ولد أصل وجود}}
{{ وجتني أمه بالصوره}}
{{ وبكلمات المدح أخته}}
{{ سكت وقلت هي فرصه}}
{{مادام الجود في الموجود}}
{{ وقالو كل من حولي علامات الرضى سكته}}

وأنا فكرت دام أمه وأخته ما عليهم زود

أكيد إني براضيهم إذا وافقت وأخترته...!!!

وأراضي أهلي وأخواني مادام إن الفرح مقصود

عطيت الناس أنا كلمه ومعاهم وقتي حددته....

ولا أقدر أغيرها ترى عند العرب منقود

أوافق وأعتذر باكر وأقول الراي غيرته

تبي تشرح لي المنقود تصدق عاد يابو سعود

تبيني أقتنع وأرضى بحال عمري ما عشته!!

أنا ماني بقايلها عسى يفرش ثراها ورود!!!

بعد ما حطمت>>قلبي<< وطعم >>الموت<< جربته...

عسى بفستانها أشواك وفي ثوبه عقارب سود....

ونار{ن} تحرق الكوشه وتحرق بيتهم حتى....!!!

وموت بليلة الدخله يبرد حرتي ياكود...

ولا أحس إنها بحظنه يلامس خد لامسته....

علي أهون إذا ماتو....ولابنفس السرير رقود

ترى صعب{ن} علي أتخيل اللي ماتخيلته!!!

عسى قاع الثرى يقسى ويتحول صخر جلمود

وحفار القبر يرفض يسوي فوق مقدرته

ترى دفنت عديم الذات تلوع حتى كبد الدود

ومن خان العهود ومات تعافه حتى >>مقبرته<<

عسى ربي يجازيهم بحبل{ن} من مسد ممدود

يعلقهم من أطرافه وفوقهم نار{ن} وتحته

أنا ماني حقود وشين ولاني من نسل نمرود....

ومن حط نفسه بوضعي يقول اللي أنا قلته...

مادام الفعل له ردة فعل والله ابشري بردود

بدعي دامني حي{ن} وبغرس للدعا نبته...

وبسقيها نزيف القلب ودمع{ن} مارحم الخدود

وتكبر والثمر ثاري من اللي خانني وصنته...

أنا علي نذر{ن} لكتب وأفجر هالقصيد رعود

وأسمــّــع كل البشر صوتي عجبته ولاّ زعلته!!

وأردد للي يسمعني إذا حبيت حط حدود...

أنا حبيت دون حدود وشوف اللي تكبدته

>> ثــلاث ســنــيــن << وأنا أبني وجت صوره بكل برود

خذت مني {{ شقى عمري }} وحلم{ن} قلت حققته

>> ثــلاث ســنــيــن << وأنا أخطط لهذا اليوم يابو سعود

وتوافق من كلام "أخته" وصوره أربعه في سته...