لاترجع ......

سو الي براسك ولاتذكـر اسبـاب
لاصرت بايعنـي توكـل علـى الله


مابيني وبينـك مشاريـه وعتـاب
شف دربك الي جيـت منـه تدلـه


ماراح تغلبني لـو الحـب غـلاب
من حضرتك عشـان قلبـي تذلـه


في ذمتي لجعلك عبـره للاحبـاب
لين الخل يتوب عـن جـرح خلـه


زلاتك الي مانفـع فيهـا احسـاب
لاجيـت اعددهـن ثمانيـن زلـه


احرجتني بين القرايـب والاحبـاب
كن الجفا سيـف بوجهتـي تسلـه


ماكنت اقصرفيك من كثر الاعجـاب
يومك تساوي عندي الكـون كلـه


كنت القريب وكلهم كانـو اغـراب
حتى القمر لاغـاب شفتـك محلـه


خلاص لاترجع تراخاطـري طـاب
ابي طرا اللي كنت عايـش بظلـه


رح واعتبرني واحد اذنـب وتـاب
مانـي بثـوب تلبسـه ثـم تملـه


مايجتمع بالحـب صـادق وكـذاب
رزقي على الله وانت رزقك على الله