جم شعر حق ناصر بن حمد فديته

زائر

هااااااااااااااااااااي شباب صبايا <<انقلبنا ههههههههههه

يبت لكم جم شعر حق حبيب قلبي ناصر بن حمد

دروب الحـــب

إلى متى والخفوق يذوب في شوقـه
إلى متى ذكرياتك تسكـن أعماقـي
وإلى متى يا دروب الحب مفروقـه
وإلى متى والليالي تبكـي إفراقـي
يبكي عليك الخفوق وتبكي عروقـه
وأقول بعد الجفا والهجروش باقـي
ما باقي إلا القصيد وغالي طروقـه
وحروف شعري بكتني داخل أوراقي
القلب كنـه يتيـم ضاعـت حقوقـه
والروح تذكر زمـان أول وميثاقـي
أيام كان الحكي يـا حلـو منطوقـة
ما غير كلمة (أحبك) وأنت وأشواقي
أيام كان الغلا تبـرق لـي بروقـه
والبوم يبرق لي من الهجر براقـي
أيام كان الهوى عاشـق ومعشوقـه
وأقول يا غايتي يـا كـل عشاقـي
*****************

سلام الله سلام الله ...على حبك سلام الله
سلام أكبر من أشواقي .. ومن عمر الهوى كله ..
حبيبي لو يلوموني .. وعلى حبك يحسدوني ..
أغني لك سلام الله .. على حبك سلام الله ..

تغيب سنين عن عيني .. وتبقى داخل أعماقي
حبيب ومالك سنيني .. وأيامي وميثاقي ..
غرام ٍ بينك وبيني .. تلوّن داخل أوراقي ..
يغني لك سلام الله .. على حبك .. سلام الله ..

حبيبي يا اجمل أحلامي .. يا كل العمر وأوقاته ..
فداك العمر وأيامي .. ولك قلبي ونبضاته ..
حبيبي لو يطول الوقت .. وتسرقني مسافاته ..
أردد لك وأغني لك .. على حبك سلام الله ..

كثير اللي يلوموني .. وكثير اللي يحسدوني
على حبك يعذلوني .. واقول اقول خلوني ..
أغني له وأردد له .. على حبه .. سلام الله ..
سلام أكبر من أشواقي .. ومن عمر الهوى كله ..
*****************************

صغير الســـن

صغير السن أبو عين ٍ كحيلـه
تزاورني طيوفـه كـل ليلـة

أشوفه في عيونـي واتبسـم
وأغني له من الفرحة وأجي له

صغير السن يا حلو الطبايـع
شبيه المهره الصفرا الأصيله

مع الأيام يكبر فـي عيونـيأ
حبه حـب وبعينـي أشيلـه

إلى مني ذكرت أحلى ملامـح
لقيت أن الحلا ماخـذ سبيلـه

بوجه ٍ يشبه البـدر بجمالـه
تواصيف ٍ علي حسنه جميلـه

وخد ٍ فيه من بـرق الليالـي
تشوفه من مسافـات ٍ طويلـه

وشعر ٍ ينثره من فوق متنـه
وأشوف الليل نايم في جديلـه

أحبه لو سكن بعـروق قلبـي
واحبه لو دروبـه مستحيلـه

صغير السن .. يا فرحة زماني
أشوفك في عيوني .. كل ليلة
********************
من يقول

من يقــول إن الهوى هذا حـرام
يا شديد ارجوك لا تعتب عليّـه

انطلق للحب سهم ٍ من غـرام
وصابنا سهمه وجمّعنا سويـه

خط قلبي له حروف ٍ من كـلام
يهدي لمحبوبتي أغلـى هديـة

يا سلام الله عليهـا والسـلام
يا خفوقي سولف اللي صار ليّه

بالغلا كم أجرمت فيني إجـرام
خاطفه شوفـي بنظـرة أوليـة

ليتك تشوفه مثل بـدر التمـام
وجهها سبحان من صور سميّه

نجمةٍ تسطع بديجـور الظـلام
نور كل الكون في صبح وعشيّه

شفت فيه اللي جذبنـي للهيـام
وما قويت أكتم ونار الحب حيّه

صاحبي يا صاحبي كف المـلام
دام قلبي له مع الغاليـن نيّـه
*********************رسالة الى شباب البحرين

الشعر في عيني له ادوار .. وادوار
تبرق بروقه ثـم ترعـد رعـوده

الحمـدلله ابتـدا اليـوم مـشـوار
مشوار جيل ونفتخر فـي وجـوده

والحمـدلله كـل مانـادت الــدار
قلنا الوطن غالـي وحنـا جنـوده

نحمي حماه وندفع اطماع الاشـرار
بالـدم والارواح حنـا صـمـوده

عند الوطن والعز يا رخص الاعمار
حنـا شبابـه دوم حنـا وقــوده

كل يشّمر عـن ذراعـه ويختـار
درب يزيـد الـدار عـز ويـزوده

شبابنا يشبه مـن الـزرع الاثمـار
اجدادنـا تـزرع وتقطـف وروده

ولا خير في جيل على الدار ما غار
ولا خير في جيـل بقلبـه بـروده

حنا الضمير الحي في وقت الاعمار
حنـا مشاريـع البـلاد وجهـوده

حنا لهـا نهضـة معـزة ومقـدار
وحنـا لهـا مجـدٍ بعيـده حـدوده

في ظل ابونا القايـد الوالـد البـار
اللـي فعولـه طيبـه وامحـمـوده

يشهد له التاريخ في كـل الاخبـار
وتشهد له اهل الطيب من طيب جوده

واختامها صلوا على سيد الاخيـار
ولا خير في جيـل بقلبـه بـروده
***********************

اسمحيلي يالحبيبه

اسمحيلي يالحبيبه لو حضنتـك فـي عيونـي
تفرح عيوني بشوفك وارتوي وأروي ضماهـا

يامن لكم فـز قلبـي وزايـدٍ منكـم جنونـي
حتي لـو كانـت بعيـده مايفارقنـي حلاهـا

ياما حاولت اني انسى مامضى لي واعذرينـي
والولع زاد وغلبني ياجعـل روحـك افداهـا

ليتك بجنبـي قريبـه ليتـك بـداري تجينـي
ليت يا اغلي حبيبـه نـورك ينـوّر سماهـا

انتي ذوقي وانتي شوقي وانتي يا عمري حنيني
جل من صـور جمالـك آيـة ٍ والله عطاهـا

أنتي الدنيا ومافيهـا وترخـص لـك سنينـي
ياملاكٍ في عيوني صـوّب الخافـق هواهـا

زينها زايد ولايق سحرهـا الطاغـي ثمينـي
تاهت حروفي بحسنها وضاعت الكلمه معاهـا

ياقوافـي اوصفيهـا وانصفيهـا واسعدينـي
اوصفي باحلى المعاني واوصلي اخـر مداهـا
***********************
يعجز الشعر

قالوا إنك تحب وقلت ليه السـؤال ؟
كل شخص ٍ يحب وكل شخص ٍ يميل

والهوى ديرة ٍ ما بين صد ووصـال
دوم فيها نزول ودوم فيهـا رحيـل

يا عرب والقلوب أشوفها بألف حال
بين قلب جريح وبيـن قلـب ٍ قتيـل

والا أنا لو باحب أحب بنـت الخيـال
نادره ما لها بالناس شبـه ومثيـل

فاتنة ناعمـه فيهـا هـدوء ودلال
حاوية كل زين وكل طبـع ٍ أصيـل

من يعرف الجمال يقول هيّ الجمـال
وصفها في قصيدي يشبه المستحيـل

كن في وجهها صبح ٍ ضحك لي وقال
يا صباح المحبة من خليـل لخليـل

وكن في عينها رمش ٍ ينادي تعـال
واعذابي من الرمش الكسول الكحيل

شعرها ليل ٍ أسود فيه صمت وجدال
إن تحرك يضيع الصبح بأطراف ليل

إن تناثر جديله من يميـن وشمـال
ضمني في بياض الصدر تحت الجديل

والشفايف مثل جمر ٍ يزيد اشتعـال
ودي أضمّ جمره لين أشـبّ الفتيـل

إن مشت كنها غصن ٍ مع الريح مال
هزّه الشوق من فوق خصر ٍ نحيـل

كن فيها رسـوخ ٍ علّمتـه الجبـال
وكن فيها شموخ ٍ علّمتـه النخيـل

تجمع الكل فيها من جمال الخصـال
بنت قلب ٍ رشيد وبنت عقـل ٍ ثقيـل

كامله والله اللـي يستحـق الكمـال
صورة ٍ كل ما فيها فريـد وجميـل

يعجز الشعر عنها حتى لو في الخيال
كنه يقول يا ناصر تـرى مستحيـل
**********************

طيب السيرة

يا الله يا رب السماء رب الأقـدار
ياعالـم بالغيـب شـره وخـيـره

ياللي بحكمك كل شي لنـا صـار
يا اللي بعلمـك كـل شـي تديـره

جانا خبر غطى على كل الأخبـار
راح الزعيـم بليـلـه مستـذيـره

كل فقد نوره من صغـار وكبـار
مصيبة مـا هـي علينـا يسيـره

مع زايد الأيام فرحـات وأعمـار
وكن الليالـي بعـد زايـد عسيـرة

الدار تبكي ياعـرب حاكـم الـدار
والناس ترثي زايـد بكـل ديـره

شعبه بكاه وتبكي الشيـخ الأشعـار
شيخ بنا في عالـم المجـد سيـره

خيره وصل للناس في كل الأقطار
سفارتـه طيبـه وفعلـه سفـيـره

معروف في شوره إذا جات الاشوار
قايد حكيم وفـذ راعـي بصيـرة

ما حط بين الشعب وعيونه أسـوار
شعب عشق زايد ولا حـب غيـره

تاريخه ابيض ما بها شك وإنكـار
مسيـره ياطيبهـا مـن مسـيـره

يا الله ترفع منزلـه بيـن الأخيـار
وتطهره يـا رب وانـك وتجيـره

يا اللي بحكمك كل شي لنـا صـار
يا عالـم بالغيـب شـره وخيـره

********************

انشالله أعجبوكم

lol!