قصص الزين كله عجيبه

بعيدا عن متاهات الدنيا.. بعيدا عن كل الأعين .. يجلس "أحمد" قرب البحر يتأمل الموج العاتي.. يتنهد تنهدات .. فشريط الذكريات يمر امامه كأنه الآن حدث .. "حبيبته أمل"....


عمري ما بنساك.. لن أنسى السعادة التي رسمناها مع بعض .. لن أنسى وقفتنا معا عند هذا المكان في نفس الموقع .. أحتضنا مع بعض آلامنا وأحلامنا ... رسمناها مع بعض على امل ان نحققها بعد الزواج ...

رجع "أحمد" إلى الواقع .. وقام يكلم نفسه ... أنا لازم أتصل فيها مستحيل أظل كذيه فترة ولا أشوفها أوأكلمها ...

أحمد يمسك تلفونه ويضرب الرقم إمسيف الرقم باسم "حبيبة قلبي"..

يرن يرن التلفون ...

"أمل" تنظر للتلفون وهي في عيونها الدمعه وقلبها يعتصر على حبيبها "احمد" ..
مترددة أترد أو لا
خايفه إختها تسمعها وتفتن "توشي"عليها ..

ردت عالتلفون وسكتت..

احمد : ألو ألو أمل عمري .. شخبارك كيف احوالك ؟؟ امل ردي ليش ساكته عني ؟؟

أمل : ...................

احمد : امل جاوبيني .. لا تعذبيني .. من زمان ما سمعت صوتك ...

أمل بدت تبكي وما ينسمع غير بكائها في التلفون..

احمد ما قدر يتمالك نفسه ... أمل ارجوك لا تعذبينيي لا تبكين ... دموعك غالية عليي ..

أمل : أحمد .. أحمد .. أنا في عذاب ما اقدر على إفراقك ....

أحمد : أبي أشوفك ألحين ألحين ..



((( يااااااااا ترى أمل بتروح إتقابل احمد أو لا ))) ((( وإذا راحت ؟؟ أحد بييشوفها ؟؟ )))

انت شتقولون

انا اقول بتروح مادام يحبون بعض
وانا اقول يمكن احد بيشوفها
وهاي رااي وامدري عنكم
مشكوووره

أمل : إشلون ما تدري إني ممنوعة من الطلعة ... من ذاك اليوم .. يوم إشتكت علي سعاد ..

لحظة ... "أمل" يتيمة.. أمها متوفية.. "محمد" هو أخوها الكبير من أمها وابوها ..
أمها كانت الزوجة الثانية .. والزوجة الاولى هي ام سعاد..

نرجع إلى سالفتنا ....

أحمد : الله يغربلها الفتانة .. قاهرتني ودي أدوس في بطنها..

أمل : علة .. دايما إتفتن وإطلع إشاعات ويوم شافتني أكلمك من البلكونه على طووول راحت إشتكت.. ونالو مني بالضرب..

أحمد : صدق عمري ؟؟ جعل أنا ولا إنتي .. وجعني قلبي بهالكلام .. إنزين قولي أي شي انا لازم أشوفك؟؟

قولي إنك بتروحين بيت خالتك ....


أمل : ما يصير ما يرضى أبوي .. وزوجة أبوي كأنها عظم في البلعوم .. تترصد حركاتي .. لحظة بشوف بالخارج في أحد ....

أمل : أحمد البيت ما في احد .. و سعاد غير موجودة .. إمبين راحوا بيت جدهم .. يالله باي نتلاقى في الجمعية .. مسافة الطريق ..

أحمد : باي وأنا بعد جاي ..

طلعت امل من بيتهم ولبست عبائتها بسرعة قبل لا أحد يشوفها .. تركض لين ما عدت مرحلة الخطر وصارت في الممر البعيد عن بيتهم .. تمشي وتتلفت خايفة يشوفها أبوها او أخوها .. وصلت الجمعية وراحت أدور على احمد .. لحد ما شافته واقف جنب العطور .. تلاقت عيونهم مع بعض .. ما قدروا يقاومون .. إثنينهم نزلت من عيونهم دمعة .. دمعة الفرح باللقاء والملتقى..

أحمد : ياللة أمل خلينه نطلع من إهني وإنروح على البحر قبل لا احد إشوفنا ..

أمل: ياللة ...بسرعة..

ركبوا السيارة وإبتعدوا والسعادة مو سايعتنهم مو إمصدقين روحهم ...

أحمد: مانا مصدق نفسي كأني في حلم ... حبيبتي معاي.!!

أمل فرحانة كثيررر والبسمة مو مفارقة شفاتها..

وصلوا عند البحر وقعدوا يسولفون ..

أحمد: أقول أمل ..؟؟

امل: آآآمر ؟؟

أحمد : ما يآمر عليك عدو .. تتذكرين أول مرة شفتك فيها ؟؟

أمل : تبتسم .. أي

أحمد : هههههههههههههه يوم كنت أنا في بيتكم جاس في المجلس .. وتدخلين ؟؟؟

كنت أنتظر أخوك ينزل لي .. وإنتي دخلتين علي ..

أمل : تضحك ..أي انحرجت .. ايش عرفني إن في المجلس أحد ..

أحمد : تفاجئت بهالجمال .. والشعر الطويل ..

أمل منحرجة لآخر حد .. تسلم

أحمد : الله يسلمك ياعمري ..

أمل : إلى متى بنتقابل كأننا حرامية ؟؟

أحمد : لين ما الله يفرج وتعرس إختك العله .. أبوك عليه شروط (( ما يزوج الصغيرة قبل الكبيرة )) حكم ..

أمل : يالله نرجع قبل لا يحس على غيابي احد ..

أحمد : خلينه قاعدين من زمان ما شفتك ..

أمل : أخاف أحد يحس على تأخري وأروح فيها ..

أحمد : لا إن شاء الله .. ألحين اوصلك بيتكم ..

حرك أحمد السيارة وطول الطريق يناظر أمل .. أمل ودها الوقت يتوقف ولا يمر وإتم قاعدة مع حبيبها ..

أحمد: أمل ..

أمل : نعم ..

أحمد: توعديني إنك ما تتزوجين غيري ؟؟

أمل : أوعدك .. ما أكون غير لك..

عمررري رووميوو وجوليييت

تسلمين يالزين كله على الموضووع يعطيج العافية

الله يعافيج ياكريمي ليف وتابعي احداث القصه بعد

تره الصه بعد لها احداث بس ابي اجوف ردود مافي ردود شكلي باتوقف عن تكملت القصه

يؤيؤيؤ تسلمين الزين كله على القصة ,,
آتمنى تكملين الاحدآث لآنه القصة وآيد وآيد حلووـوة ~

تسلم اخوي على القصة
الله يعطيك العافية
ذكرتني في قصة حلوة
اذا قدرت انزلها بس طويلة